ഏറെക്കളിച്ചാല്.. വാക്കുകളെ ചുമ്മാ
വാരിയെടുത്തുചുരുട്ടിക്കൂട്ടി
വരികളിട്ട് ഒലത്തിക്കളയുമെന്നുള്ള
ഭീഷണിയിലൊന്നും
കവിത വഴങ്ങിയെന്നുവരില്ലാ.
എന്റെ മനസ്സിലെ സ്പന്ദനങ്ങള്
നിന്റെ മസ്തിഷ്ക്കത്തിലെ ചുളിവുകളില്
കമ്പനമുണ്ടാക്കുമ്പോഴാണ് യഥാര്ത്ഥത്തില്
വരികള്ക്കും ജീവിതത്തിനുംതന്നേ
അര്ത്ഥവ്യാപ്തിയുണ്ടാകുന്നത്.
നിന്റെ ഹൃദയത്തിലെ തുടിപ്പുകള്
എന്റെ കരളിനുകുളിരാവുമ്പോള്
വാക്കുകള് വരികളില്നിന്നും
പാളംതെറ്റാതെ പച്ചസിഗ്നലും
നോക്കിയുള്ള യാത്രതുടങ്ങും.
കണ്ണുകൊണ്ടും കവിതയെഴുതാമെന്ന്
പണ്ടാരോ പറഞ്ഞതിന്റെകൂട്ടത്തില്,
കണ്ണുകളിലെ ആ തിളക്കത്തില്
എന്റെരൂപം പ്രതിഫലിക്കേണ്ടതുണ്ടെന്നും
പറഞ്ഞുവച്ചോട്ടേ.
കടല്ക്കാറ്റില് അലസമായിപാറി
നിന്റെ മുഖത്തുതന്നെ
വാക്കുകള് കൊരുക്കാന്ശ്രമിക്കുന്ന മുടിയിഴകള്,
കൈകൊണ്ട് മാടിയൊതുക്കിയാലും
കാറ്റുണ്ടോ വിടാന്പോകുന്നു!
വരികളില് വിരിഞ്ഞുനില്ക്കുന്ന
വാക്കുകളുടെ സൌരഭ്യവും മധുവും
നുകരാന്വേണ്ടി ഷഡ്പദങ്ങള്ക്ക്
കമ്പിയടിച്ചാല്വരേ..... അവള്
പുഞ്ചിരിച്ചെന്നുകൂടി വരില്ലാ..
- ജോയ് ഗുരുവായൂര്
വാരിയെടുത്തുചുരുട്ടിക്കൂട്ടി
വരികളിട്ട് ഒലത്തിക്കളയുമെന്നുള്ള
ഭീഷണിയിലൊന്നും
കവിത വഴങ്ങിയെന്നുവരില്ലാ.
എന്റെ മനസ്സിലെ സ്പന്ദനങ്ങള്
നിന്റെ മസ്തിഷ്ക്കത്തിലെ ചുളിവുകളില്
കമ്പനമുണ്ടാക്കുമ്പോഴാണ് യഥാര്ത്ഥത്തില്
വരികള്ക്കും ജീവിതത്തിനുംതന്നേ
അര്ത്ഥവ്യാപ്തിയുണ്ടാകുന്നത്.
നിന്റെ ഹൃദയത്തിലെ തുടിപ്പുകള്
എന്റെ കരളിനുകുളിരാവുമ്പോള്
വാക്കുകള് വരികളില്നിന്നും
പാളംതെറ്റാതെ പച്ചസിഗ്നലും
നോക്കിയുള്ള യാത്രതുടങ്ങും.
കണ്ണുകൊണ്ടും കവിതയെഴുതാമെന്ന്
പണ്ടാരോ പറഞ്ഞതിന്റെകൂട്ടത്തില്,
കണ്ണുകളിലെ ആ തിളക്കത്തില്
എന്റെരൂപം പ്രതിഫലിക്കേണ്ടതുണ്ടെന്നും
പറഞ്ഞുവച്ചോട്ടേ.
കടല്ക്കാറ്റില് അലസമായിപാറി
നിന്റെ മുഖത്തുതന്നെ
വാക്കുകള് കൊരുക്കാന്ശ്രമിക്കുന്ന മുടിയിഴകള്,
കൈകൊണ്ട് മാടിയൊതുക്കിയാലും
കാറ്റുണ്ടോ വിടാന്പോകുന്നു!
വരികളില് വിരിഞ്ഞുനില്ക്കുന്ന
വാക്കുകളുടെ സൌരഭ്യവും മധുവും
നുകരാന്വേണ്ടി ഷഡ്പദങ്ങള്ക്ക്
കമ്പിയടിച്ചാല്വരേ..... അവള്
പുഞ്ചിരിച്ചെന്നുകൂടി വരില്ലാ..
- ജോയ് ഗുരുവായൂര്
Comments
Post a Comment