കഥയില്‍ ചോദ്യമില്ലെത്രേ!..
കഥയില്‍ ചോദ്യമില്ലെന്നുംപറഞ്ഞ്
വലിയാന്‍നോക്കുന്ന കള്ളക്കഥയുടെ
കോളര്‍ പിടിച്ചുവലിച്ചുനിറുത്തി
നാലു ശകാരിക്കട്ടേ...
മൊഴിമാറ്റിപ്പറയുന്ന പ്രതിയെപ്പോലെ
ഒരുമാതിരി നീ
സന്ത്രാസപ്പെടുന്നതും
അങ്ങോട്ടുമിങ്ങോട്ടും വിറയലോടെ
കള്ളക്കണ്ണിട്ടുനോക്കുന്നതും
ഞങ്ങളിടക്കൊക്കെ കാണുന്നതാ .
ഞങ്ങള്‍ ക്ഷമിക്കുമായിരുന്നു
നീയൊരു,
കവിതയായിരുന്നുവെങ്കില്‍..
കടക്കണ്ണുകള്‍ കൊണ്ടുള്ള നോട്ടങ്ങളും
അര്‍ത്ഥംവച്ചുള്ള വാക്കുകളുമൊക്കെ
അവള്‍ക്കു പറഞ്ഞിട്ടുള്ളതാണല്ലോ!
ദുര്‍ഗുണപരിഹാരപാഠശാല
എന്നു കേട്ടിട്ടുണ്ടോ, അത് കാണണോ?
ബന്ധുക്കളെ അപ്പോയിന്റ്റ് ചെയ്തവരും
നോട്ടെണ്ണുന്ന യന്ത്രത്തില്‍
കൈക്കൂലി തിട്ടപ്പെടുത്തുന്നവരും
ബ്ബ ബ്ബ ബ്ബായെന്നും പറഞ്ഞ്
ആടിനെ പട്ടിയാക്കുന്നവരും
ഉണ്ടല്ലോയെന്നു വാദിക്കേണ്ടാ..
അവര്‍ അവരവരുടെ "ജോലി"
വൃത്തിയായി ചെയ്യുന്നുവെന്ന്
പറയാന്‍ ആളുകളൊത്തിരികാണും.
നീയൊരു 'കഥ'യാണെന്നയോര്‍മ്മ,
നിന്‍റെയുള്ളില്‍ത്തന്നേ വേണം
നിന്‍റെ വാക്കുകള്‍ ഋജുവും
അനുവാചകനെറ്റികള്‍
ചുളിപ്പിക്കുന്നതുമാവരുത്.
അവിടെയുമിവിടേയും തൊടാതെ
ബിംബപ്രതിഷ്ഠകളില്‍ തൊട്ടുതലോടി,
ലോകരെ, ആശയക്കുഴപ്പത്തിലാക്കാനുള്ള
അധികാരമൊന്നും നിനക്കില്ലാ..
അണ്ണാന്‍ ചാടണകണ്ട് മണ്ണാന്‍ ചാടിയാലോ!
കവിതയുടെ കണ്ണേറില്‍ മയങ്ങി,
അവരവരുടെ ഭാവനയില്‍ തെന്നി,
നിലംപരിശാവുന്നവരെ കണ്ട്.
കഥിക്കാന്‍ നീ നോക്കിയാല്‍,
നിന്‍റെ കഥ കഴിയും അത്രതന്നേ.
നിന്‍റെ കെട്ടുംമട്ടുമൊന്നും അതിനുള്ളതല്ലാ..
കഥ വന്നു കവിതയില്‍ വീണാലും
കവിതവന്ന് കഥയില്‍ വീണാലും
ഒരു പുഞ്ചിരിയുടെ ജാമ്യത്തില്‍,
അവള്‍, കവിത, തടിയൂരിപ്പോയെന്നുംവരാം
പക്ഷേ, നീയൊരു ആണ്‍കുട്ടിയാണ്,
പറയാനുള്ളത് മുഖത്തുനോക്കി
ചങ്കൂറ്റത്തോടെത്തന്നേ പറയണം..
- ജോയ് ഗുരുവായൂര്‍
കഥയില്‍ ചോദ്യമില്ലെന്നുംപറഞ്ഞ്
വലിയാന്‍നോക്കുന്ന കള്ളക്കഥയുടെ
കോളര്‍ പിടിച്ചുവലിച്ചുനിറുത്തി
നാലു ശകാരിക്കട്ടേ...
മൊഴിമാറ്റിപ്പറയുന്ന പ്രതിയെപ്പോലെ
ഒരുമാതിരി നീ
സന്ത്രാസപ്പെടുന്നതും
അങ്ങോട്ടുമിങ്ങോട്ടും വിറയലോടെ
കള്ളക്കണ്ണിട്ടുനോക്കുന്നതും
ഞങ്ങളിടക്കൊക്കെ കാണുന്നതാ .
ഞങ്ങള്‍ ക്ഷമിക്കുമായിരുന്നു
നീയൊരു,
കവിതയായിരുന്നുവെങ്കില്‍..
കടക്കണ്ണുകള്‍ കൊണ്ടുള്ള നോട്ടങ്ങളും
അര്‍ത്ഥംവച്ചുള്ള വാക്കുകളുമൊക്കെ
അവള്‍ക്കു പറഞ്ഞിട്ടുള്ളതാണല്ലോ!
ദുര്‍ഗുണപരിഹാരപാഠശാല
എന്നു കേട്ടിട്ടുണ്ടോ, അത് കാണണോ?
ബന്ധുക്കളെ അപ്പോയിന്റ്റ് ചെയ്തവരും
നോട്ടെണ്ണുന്ന യന്ത്രത്തില്‍
കൈക്കൂലി തിട്ടപ്പെടുത്തുന്നവരും
ബ്ബ ബ്ബ ബ്ബായെന്നും പറഞ്ഞ്
ആടിനെ പട്ടിയാക്കുന്നവരും
ഉണ്ടല്ലോയെന്നു വാദിക്കേണ്ടാ..
അവര്‍ അവരവരുടെ "ജോലി"
വൃത്തിയായി ചെയ്യുന്നുവെന്ന്
പറയാന്‍ ആളുകളൊത്തിരികാണും.
നീയൊരു 'കഥ'യാണെന്നയോര്‍മ്മ,
നിന്‍റെയുള്ളില്‍ത്തന്നേ വേണം
നിന്‍റെ വാക്കുകള്‍ ഋജുവും
അനുവാചകനെറ്റികള്‍
ചുളിപ്പിക്കുന്നതുമാവരുത്.
അവിടെയുമിവിടേയും തൊടാതെ
ബിംബപ്രതിഷ്ഠകളില്‍ തൊട്ടുതലോടി,
ലോകരെ, ആശയക്കുഴപ്പത്തിലാക്കാനുള്ള
അധികാരമൊന്നും നിനക്കില്ലാ..
അണ്ണാന്‍ ചാടണകണ്ട് മണ്ണാന്‍ ചാടിയാലോ!
കവിതയുടെ കണ്ണേറില്‍ മയങ്ങി,
അവരവരുടെ ഭാവനയില്‍ തെന്നി,
നിലംപരിശാവുന്നവരെ കണ്ട്.
കഥിക്കാന്‍ നീ നോക്കിയാല്‍,
നിന്‍റെ കഥ കഴിയും അത്രതന്നേ.
നിന്‍റെ കെട്ടുംമട്ടുമൊന്നും അതിനുള്ളതല്ലാ..
കഥ വന്നു കവിതയില്‍ വീണാലും
കവിതവന്ന് കഥയില്‍ വീണാലും
ഒരു പുഞ്ചിരിയുടെ ജാമ്യത്തില്‍,
അവള്‍, കവിത, തടിയൂരിപ്പോയെന്നുംവരാം
പക്ഷേ, നീയൊരു ആണ്‍കുട്ടിയാണ്,
പറയാനുള്ളത് മുഖത്തുനോക്കി
ചങ്കൂറ്റത്തോടെത്തന്നേ പറയണം..
- ജോയ് ഗുരുവായൂര്‍
Comments
Post a Comment