ശ്രീകൃഷ്ണ കോളേജ് ഗുരുവായൂര്..
കാമ്പസിനു തണല്ചൊരിയുന്ന,
കടപ്പാവുട്ടക്കാടുകളുടെ ദുര്ഗന്ധംപേറിയ
കാറ്റിലുമുണ്ടായിരുന്നൊരു പ്രണയഗന്ധം!
വിദ്യയഭ്യസിക്കാനായെത്തിയ മനസ്സുകളില്
വിദ്യേതര പ്രണയഭാവങ്ങളും സജീവം!
ഫോര്മാലിനില് ചത്തുമലച്ചുകിടക്കുന്ന ജീവികളുടെ
ഭാവങ്ങള് മനസ്സിലേറ്റിയിരുന്നതു ശോകമായിരുന്നില്ലാ..
ഒരു കാച്ചെണ്ണയുടെ സുഗന്ധത്തിനായുള്ള,
നാസരന്ധ്രങ്ങളുടെ അന്വേഷണമായിരുന്നു...
ഒരുകുടന്ന പൂക്കളും ചന്ദനക്കുറിയുമണിഞ്ഞു കടന്നുവരുന്ന
പ്രണയവുമായി സംവദിക്കാന്വെമ്പുന്ന
ഒരു കാമുകഹൃദയത്തിന്റെ അസ്വസ്ഥതകള്
പൊട്ടിത്തെറിച്ചിരുന്ന തമാശകളില് വെളിച്ചംകാണുമായിരുന്നില്ലാ..
ഉച്ചഭക്ഷണത്തില് പങ്കുവയ്ക്കുന്ന
അവിയലിലും മെഴുക്കുപുരട്ടിയിലും കടുമാങ്ങയിലും
ആ പ്രണയം ഒട്ടിയൊട്ടിപ്പിടിച്ചിരുന്നത് ആരറിയാന്?..
അതിരാവിലെ പുതിയ കമ്മലുംധരിച്ചുവന്ന പ്രണയത്തെ
ഒന്നു ചുംബിച്ചാലോ എന്നുവരെ തോന്നിയതായിരുന്നു!
അപ്രതീക്ഷിതമായി ജനാലയില് ദൃശ്യമായ
അറ്റെന്ഡര് ശശിയേട്ടന്റെ വില്ലന്മുഖം!
ജീവികളെ തല്ലിക്കൊന്നു ഫോര്മാലിനില് മുക്കിയിടുന്ന
അയാള്ക്കുണ്ടോ പ്രണയത്തിന്റെ ABCD അറിയുന്നു?!
അവള്ക്കുമെന്നോട് പ്രണയമുണ്ടായിരുന്നിരിക്കണമെന്നു
വിശ്വസിക്കാനുമെനിക്കാവുമായിരുന്നില്ലാ..
കിലുക്കാംപെട്ടിപോലെ കിലുങ്ങിച്ചിരിച്ചു,
നര്മ്മങ്ങള് കോരിയിടുന്നതിനിടയില്,
പ്രണയമറിയിക്കാനവള് മറന്നുപോയതുമാവാം..
ഒടുവിലാദിനം വന്നെത്തി..
മൂന്നുകൊല്ലത്തെ സൗഹൃദസാഹോദര്യങ്ങള്ക്കു
താത്കാലികവിരാമമിടുന്ന ദിനം..
സെന്റ് ഓഫ്!!
നേരിയ പ്രതീക്ഷയോടെ ഞാനെന്റെ പ്രണയത്തെ
അവസാനമായൊരുനോക്കുകൂടെ കണ്ടു..
കളിചിരികളുടെയും വിരഹതാപങ്ങളുടേയുമൊടുവില്
വാടിത്തുടങ്ങിയൊരു
റോസാപ്പൂധരിച്ച പാവാടയും ബ്ലൌസും,
കൂട്ടുകാരികളോടൊപ്പം കോളേജുപടി കടന്നുപോകുന്ന
കാഴ്ചയിലുള്ള ഖിന്നത പ്രകടിപ്പിക്കാതെ,
കൂട്ടുകാരോടൊപ്പം ഞാന് "മാറ്റിനി"ക്കു പോയി!.. 🤩
- ജോയ് ഗുരുവായൂര്
കാമ്പസിനു തണല്ചൊരിയുന്ന,
കടപ്പാവുട്ടക്കാടുകളുടെ ദുര്ഗന്ധംപേറിയ
കാറ്റിലുമുണ്ടായിരുന്നൊരു പ്രണയഗന്ധം!
വിദ്യയഭ്യസിക്കാനായെത്തിയ മനസ്സുകളില്
വിദ്യേതര പ്രണയഭാവങ്ങളും സജീവം!
ഫോര്മാലിനില് ചത്തുമലച്ചുകിടക്കുന്ന ജീവികളുടെ
ഭാവങ്ങള് മനസ്സിലേറ്റിയിരുന്നതു ശോകമായിരുന്നില്ലാ..
ഒരു കാച്ചെണ്ണയുടെ സുഗന്ധത്തിനായുള്ള,
നാസരന്ധ്രങ്ങളുടെ അന്വേഷണമായിരുന്നു...
ഒരുകുടന്ന പൂക്കളും ചന്ദനക്കുറിയുമണിഞ്ഞു കടന്നുവരുന്ന
പ്രണയവുമായി സംവദിക്കാന്വെമ്പുന്ന
ഒരു കാമുകഹൃദയത്തിന്റെ അസ്വസ്ഥതകള്
പൊട്ടിത്തെറിച്ചിരുന്ന തമാശകളില് വെളിച്ചംകാണുമായിരുന്നില്ലാ..
ഉച്ചഭക്ഷണത്തില് പങ്കുവയ്ക്കുന്ന
അവിയലിലും മെഴുക്കുപുരട്ടിയിലും കടുമാങ്ങയിലും
ആ പ്രണയം ഒട്ടിയൊട്ടിപ്പിടിച്ചിരുന്നത് ആരറിയാന്?..
അതിരാവിലെ പുതിയ കമ്മലുംധരിച്ചുവന്ന പ്രണയത്തെ
ഒന്നു ചുംബിച്ചാലോ എന്നുവരെ തോന്നിയതായിരുന്നു!
അപ്രതീക്ഷിതമായി ജനാലയില് ദൃശ്യമായ
അറ്റെന്ഡര് ശശിയേട്ടന്റെ വില്ലന്മുഖം!
ജീവികളെ തല്ലിക്കൊന്നു ഫോര്മാലിനില് മുക്കിയിടുന്ന
അയാള്ക്കുണ്ടോ പ്രണയത്തിന്റെ ABCD അറിയുന്നു?!
അവള്ക്കുമെന്നോട് പ്രണയമുണ്ടായിരുന്നിരിക്കണമെന്നു
വിശ്വസിക്കാനുമെനിക്കാവുമായിരുന്നില്ലാ..
കിലുക്കാംപെട്ടിപോലെ കിലുങ്ങിച്ചിരിച്ചു,
നര്മ്മങ്ങള് കോരിയിടുന്നതിനിടയില്,
പ്രണയമറിയിക്കാനവള് മറന്നുപോയതുമാവാം..
ഒടുവിലാദിനം വന്നെത്തി..
മൂന്നുകൊല്ലത്തെ സൗഹൃദസാഹോദര്യങ്ങള്ക്കു
താത്കാലികവിരാമമിടുന്ന ദിനം..
സെന്റ് ഓഫ്!!
നേരിയ പ്രതീക്ഷയോടെ ഞാനെന്റെ പ്രണയത്തെ
അവസാനമായൊരുനോക്കുകൂടെ കണ്ടു..
കളിചിരികളുടെയും വിരഹതാപങ്ങളുടേയുമൊടുവില്
വാടിത്തുടങ്ങിയൊരു
റോസാപ്പൂധരിച്ച പാവാടയും ബ്ലൌസും,
കൂട്ടുകാരികളോടൊപ്പം കോളേജുപടി കടന്നുപോകുന്ന
കാഴ്ചയിലുള്ള ഖിന്നത പ്രകടിപ്പിക്കാതെ,
കൂട്ടുകാരോടൊപ്പം ഞാന് "മാറ്റിനി"ക്കു പോയി!.. 🤩
- ജോയ് ഗുരുവായൂര്
Comments
Post a Comment