ഒരു മഴയിലന്നുകുതിര്ന്നങ്ങുവന്ന നീ പോകുവാനായിനിയനുവാദമോ?! അന്നെന്റെ ചാരത്തു വന്നണഞ്ഞില്ലയോ ഒരുമാത്രപോലും മറക്കാത്തപോല്!... നിന്നുടെയോര്മ്മയില് ഞാനിന്നുംമരുവുന്നു എന്നുടെ ചിന്തകള് മാറ്റി വയ്പ്പൂ.. നിന്നുടെ ലാളനയതൊന്നതുമാത്രമേ ജീവിതയാത്രയില് കൂട്ടതുള്ളു! ഒന്നുമറിയാത്തെന് ചിത്തത്തിന്നിര്വൃതി- പ്പാത്രമായ് നീയന്നുവന്നതപ്പോള്, ഒന്നൊന്നുമോര്ക്കാതെ ഞാനുമൊരുപാടു- തെറ്റുകള് നിന്നോടു ചെയ്തതല്ലേ? ഇല്ലില്ല നിന്നെയുപേക്ഷിക്കുവാനായി എന്മനമൊട്ടുമേ ചൊല്വതില്ലേ.. എന്നെന്നും നീയെന്റെ ജീവന്റെ ഭാഗമാം- കൈത്തിരിയായി വിളങ്ങിനില്ക്കും! തീവണ്ടിശബ്ദങ്ങള് കേള്ക്കുമ്പോളൊക്കെയും നിന്നെ പ്രതീക്ഷിച്ചു-ഞാനിരിക്കും! നിന്നിലെനിന്നെ ഞാനത്രമേലറിവതെ- ന്നറിയുന്ന നീയെന്റെ സഖിയതല്ലേ?! ഒരു മഴയിലന്നുകുതിര്ന്നങ്ങുവന്ന നീ പോകുവാനായിനിയനുവാദമോ?! അന്നെന്റെ ചാരത്തു വന്നണഞ്ഞില്ലയോ ഒരുമാത്രപോലും മറക്കാത്തപോല്!.. - ജോയ് ഗുരുവായൂര് (inspiration- Anoop Krishnan)